Një rast i rëndë i dhunës fizike mes të miturve ka ndodhur në Podujevë, ku një vajzë 13-vjeçare ka raportuar se është sulmuar brutalisht nga dy bashkëmoshatare të saj në fshatin Letanc.
Sinjali mëson se viktima, E.M., rreth 14-vjeçare është paraqitur në stacionin policor më 8 maj dhe ka deklaruar se më 30 prill ishte sulmuar fizikisht nga dy të mitura, R.T. dhe B.L., të dyja të moshës 13-vjeçare.
Në bazë të informacioneve, vajza ka prezantuar një videoinçizim, ku shihen të dyshuarat duke e goditur në mënyrë të përsëritur.
Pas hetimeve të kryera nga organet kompetente, më 9 maj, të dyshuarat janë arrestuar dhe intervistuar në prani të avokatëve mbrojtës dhe përfaqësuesve të Qendrës për Punë Sociale. Me urdhër të prokurorit për të mitur, ndaj dy të dyshuarave është caktuar masa e ndalimit për 24 orë.
Rasti është duke u trajtuar me seriozitet dhe hetimet po vazhdojnë. Sinjali do të sjellë informacione të reja sapo të jenë të disponueshme.
