13-vjeçari poston foto me armë – Policia ia zë derën babait në Podujevë

Një 13-vjeçar nga fshati Llaushë i Podujevës ka publikuar në rrjete sociale një fotografi ku shihet me armë në dorë, çka ka alarmuar autoritetet.

Burimet e gazetes Sinjali bëjnë me dije se arma në fjalë, një pushkë ajrore, ishte në posedim të babait të tij, R.F. 66 vjeçar, i cili nuk posedonte leje.

Pas ndërhyrjes së Policisë, arma është sekuestruar, ndërsa R.F. është intervistuar në prani të avokatit mbrojtës.

Me vendim të Prokurorit të Shtetit, ai është liruar në procedurë të rregullt, ndërsa ndaj tij është iniciuar rast për veprën penale “Mbajtje në pronësi, kontroll ose posedim të paautorizuar të armëve.”