Komuna i kalon në shfrytëzim kamionin për grumbullimin e mbeturinave KRM “Pastrimi”
Komuna e Podujevës ka nënshkruar marrëveshje me KRM “Pastrimi”, për të ofruar në shfrytëzim kamionin i cili është pranuar si donacion nga Komuna e Linzit për grumbullimin dhe bartjen e mbeturinave në Komunën e Podujevës.
Nënshkrimin e marrëveshjes mes dy palëve e kanë bërë Drejtori i Shërbimeve Publike, Bahri Selimi dhe Kryeshefi ekzekutiv i KRM “Pastrimi”, Petrit Reçica.
Marrëveshja përmbanë:
????Ofrimin e kamionit për grumbullimin dhe bartjen e mbeturinave si formë mbështetje për KRM “Pastrimi”, në funksion të kryerjes sa më efikase të punëve dhe obligimeve ndaj qytetarëve sa i përket menaxhimit të mbeturinave
????Ofrimin e kamionit vetëm për nevojat e KRM “Pastrimi”, njësia Podujevë.
Të dyja palët u zotuan se bashkëpunimi mes palëve do të thellohet, me qëllim të përmirësimit të shërbimeve për grumbullimin e mbeturinave në Komunën e Podujevës dhe përmirësimin e përgjithshëm të shërbimeve që ofron kompania në mirëmbajtjen e hapësirave publike.
22.06.2023, Podujevë
Zyra për Marrëdhënie me Publikun dhe Informim
