Një 20-vjeçar është ndaluar nga Policia e Kosovës në orët e vona të së premtes në Podujevë, pasi gjatë një kontrolli në automjetin që po drejtonte iu gjet një sasi e substancës së dyshuar narkotike.
Burime të Gazetës Sinjali bëjnë me dije se më 2 maj 2025, rreth orës 23:40, në rrugën “Zahir Pajaziti”, njësitet policore kanë ndaluar një veturë dhe gjatë kontrollit kanë zbuluar një sasi të konsiderueshme marihuanë, një mulli për grirjen e lëndës narkotike si dhe material mbështjellës (rizlla).
I dyshuari,E.S 20 vjeçar është shoqëruar në stacion policor, ku është intervistuar dhe më pas është liruar në procedurë të rregullt, ndërkohë që ndaj tij është iniciuar rasti për veprën penale “Posedim i paautorizuar i narkotikëve, substancave psikotrope ose analoge”.
Hetimet për rastin janë duke vazhduar.
Sinjali do të sjellë çdo zhvillim të ri.
Sinjali – aty ku e vërteta flet para lajmit!
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.
