Me qëllim të lehtësimit të jetës së qytetarëve, shumë Komuna kanë kontraktuar kompani për transportin e nxënësve nga shtëpitë e tyre deri në shkollë dhe anasjelltas.
Ani pse në tender si kriter kryesor kompanitë fituese kanë akomodimin e nxënënsve, ky kriter duket se nuk u respektua në Drenas.
Në pamjet e siguruara nga“IndeksOnline” të realizuara në Komoran të Komunës së Drenasit, shihen 40 nxënës duke dal nga kombi i paraparë për 15 persona.
“Indeksonline” e ka kontaktuar përfaqësuesin e kompanisë fituese të tenderit në Komunën e Drenasit ”Vëllëzërit Thaçi”, Mehdi Thaçi , i cili fillimisht e mohoj të ketë ndodhur një gjë e tillë nga kompania e tij, më pas tha se ka mund edhe të ketë ndodhur.
“Jo nuk është e vertet se ato i bajnë kombi privat se unë me autobus i baj fëmijët. Une i baj me autobus. Ata janë privat. Nuk janë 40 se s’ka nxënës më, nuk është e vërtet veç nëse ka qenë ndonjë defekt. Unë me autobus krejt i baj , veç mos ka pas ndonjë defekt dje.” – tha Thaçi.
Ai ka shtuar se dje edhe ka mund të ndodh.
“Dje ka ndodh ndoshta se unë nuk kam qenë. Se unë me autobus i baj. Po kqyrni se tjerët i bajnë. Na me autobus i bajmë fëmijët edhe asnjë herë nuk ka shanse me i bajt me i bajt me kombi”, tha Thaçi duke insistuar të arsyetohet se nuk ka qenë kombi i kompanisë së tij.
Mirëpo sipas njoftimit në Komisionin Regullativ të Prokurimit Publik, komuna e Drenasit për transportin e nxënësve e ka shpërblyer kompanin “Vëllezërit Thaçi”. Vlera e kontratës sipas njoftimit është 100 mijë euro.
