Një rast i vdekjes së dyshimtë në Zubin Potok po hetohet nga Policia e Kosovës.
Rasti ka ndodhur sot rreth orës 13:25, ku stafi mjekësor nga Qendra e Mjekësisë Familjare në Zubin Potok, ka njoftuar stacionin policor në lidhje me një informatë për një person që dyshohet se është pa shenja jete në fshatin Varage te Poshtme të Zubin Potokut.
Njësitë relevante policore së bashku me stafin mjekësor kanë shkuar në vendin e ngjarjes, ku kanë hasur në viktimën B.R. 55-vjeq i cili është gjetur pa shenja jete i varur me litar ne ballkonin e shtepisë së tij.
Ekipi mjekësor ka konstatuar se personi është pa shenja jete.
“Lidhur me rastin është njoftuar Prokurori i Shtetit i cili ka udhëzuar që rasti të iniciohet si “Vdekje e dyshimtë”, ndërsa trupi i pa jetë me urdhër të Prokurorit është dërguar në Institutin e Mjekësisë Ligjore për obduksion”, thuhet në njoftim.
