Aktivisti i shoqërisë civile, Shemsi Jashari, ka shkruar një status në Facebook, lidhur me vizitën e Bashkim Ramosajt në SHBA, ku këtij të fundit i’u lëshua viza nga Ambasada Amerikane, ndërkaq disa nga kolegëve të tij i’u është thënë se nuk mund të vizitojnë SHBA-në, pasi që kanë punë për të kryer në Kosovë.
Lidhur me këtë, Jashari ka thënë se nuk është e drejt nga ana e Ramosajt që të shkoj në SHBA e t’i lë kolegët e tij me viza në xhepa.
“Nuk është fer qishtu prej Bashkim Ramosaj, me shkue vet në SHBA, e mi lanë kolegët e tij me viza në gjep në shpi”.
Jashari, përkitazi ka ironizuar me faktin se ata që kanë pasur punë në Kosovë, i’u është pamundësuar vizita, duke thënë se mbase Ramosaj nuk ka punë për të bërë në Kosovë.
“Po nashta ky ska punë ksajde e ka pas kohë me shkue?”, ka shkruar Jashari.
Para pak ditëve, Jeff Hoviener lidhur me planifikimin për vizitë në SHBA të disa ministrave dhe politikanëve ka thënë se tani për tani, për shkak të krizës pas ngjarjeve në veri, nuk është koha më e duhur që ministrat të udhëtojnë për në SHBA për takime zyrtare.
