Cristiano Ronaldo do të largohet nga Manchester United me marrëveshje të përbashkët me efekt të menjëhershëm. Kështu ka njoftuar klubi. Lëvizja vjen pasi sulmuesi bëri një sërë akuzash në një intervistë javën e kaluar.
United kishte emëruar avokatë për të eksploruar veprimet e mundshme kundër Ronaldos për shkelje të pretenduar të kontratës, por opsioni i tyre i preferuar ishte të krijonin largimin e tij dhe kjo u konfirmua ditën e sotme.
“Cristiano Ronaldo do të largohet nga Manchester United me marrëveshje të përbashkët, me efekt të menjëhershëm”, tha klubi. “Klubi e falënderon atë për kontributin e tij të jashtëzakonshëm në dy periudha në Old Trafford”.
Akuzat e Ronaldos përfshinin se ai po detyrohej të largohej nga klubi, se drejtuesit e lartë nuk kishin ndjeshmëri pasi djali i tij i porsalindur vdiq në prill, se pronarët, familja Glazer, nuk kujdesen për klubin dhe se menaxheri, Erik ten Hag, nuk e respekton atë.
Shkruan Lapsi.al
