ADVERTISEMENT
Anëtarët e kuvendit komunal të Podujevës, të prirë nga kryesuesi Hilmi Hoxha, po qëndrojnë për vizitë studimore në Bashkinë e Shkodrës ku u pritën nga kryetari i Bashkisë, Bardh Spahia, kryetarja e këshillit të Bashkisë, Brisela Kadia dhe anëtarët e Këshillit të Bashkisë.
Kryetari Spahia, tha se është kënaqësi e veçantë të mirëpres, përfaqësuesit e kuvendit komunal të Llapit, siç njihet edhe si një ndër zonat më të rëndësishme të shqiptarisë.
Ne edhe pse jemi pjesëtarë të dy shteteve të ndryshme me ndarje administrative, ne gjithmonë jemi një komb i lidhur shpirtërisht e vllazërisht, ku pas shumë përpjekjeve e dekada luftërash, pas gjithë sakrificave nga breza të tërë, ne sot gëzojmë këto ditë lirie e bashkëpunimi me vendet shqipfolëse kudo qe janë.
Kryetari Spahia, foli për historinë e qytetit të Shkodrës, me theks të veçantë foli për kulturën, arsimin dhe turizimin, e ku u shpreh që Bashkia e Shkodrës është gjithmonë e hapur dhe e disponueshme për të bashkëpunuar me qëllim të rritjes së kontaktit për projektet e përbashkëta që synim kanë qytetarët e vendit.
Kryesuesi i kuvendit, Hilmi Hoxha, falënderoi kryetarin dhe gjithë menaxhmentin për pritjen vllazërore që i bën, duke folur për lidhjen emocionale të shqiptarëve që kanë për njëri tjetrin. Krysuesi Hoxha gjithashtu prezantoi komunën e Podujevës duke folur për karakterstikat e përgjithshme në të gjitha sektoret, ku u shpreh i gatshëm që komuna e Podujevës të ndërtojë urat e bashkëpunimit me të gjitha vendet shqipfolëse.
Kryetarja e këshillit të Bashkisë, Brisela Kadia, duke u uruar mirëseardhje, u shpreh e lumtur që përmes krijimit të kontakteve dhe vizitave të tilla do të bëhet shkëmbimi i përvojave të mira nga dy qytetet. Brisela foli për sistemin e këshillit të Bashkisë duke diskutuar edhe me anëtarët e komunës së Podujevës për funksionimin e kuvendit komunal.
01.12.2022, Podujevë
Zyra për Marrëdhënie me Publikun dhe Informim
