ADVERTISEMENT
Sot gjatë ditës është inauguruar shkolla e re “Ali Ajeti” në fshatin Balloc, kjo shkollë është paralele e ndarë nga shkolla e fshatit Sfeçël. Në ceremoninë solemne të prerjes së shiritit dhe përurimit të objektit morën pjesë Kryetari i Komunës Shpejtim Bulliqi, Drejtori i Arsimit, Avni Fetahu, menaxhmenti i shkollës, nxënësit dhe prindërit.
Duke i uruar punë të mbarë dhe shumë suksese personelit arsimor e nxënësve kryetari Bulliqi, i siguroj ata se investimet nga komuna për shkollën do të vazhdojnë me qëllim që kjo shkollë të pajisjet me të gjitha kabinetet e nevojshme, duke ndihmuar në lidhjen e mësimit teorik me atë praktik.
Ndërsa drejtori i shkollës, Lulzim Ajvazi, ka falënderuar komunën për ndërtimin e shkollës, duke u shprehur shumë i kënaqur për investimin që është bërë, duke theksuar se ky objekt i ri i plotëson të gjitha kushtet për mësim dhe kjo do të ndikojë në stimulimin e mësimdhënësve e nxënësve për të arritur suksese të reja.
Ndërtimi i kësaj shkolle moderne është investim nga Komuna e Podujevës dhe ka vlerën e mbi 400 mijë eurove, duke përfshirë të gjithë inventarin e brendshëm të shkollës.
Në hapësirat e objektit u mbajt një manifestim i cili ishte i përgatitur nga personeli arsimor dhe nxënësit e shkollës në shënim të kësaj ngjarje.
