Ministrja e Drejtësisë, Albulena Haxhiu përmes një postimi të bërë në rrjetin e saj social “Facebook”, treguar se ka qenë në varrimin e Hamide Magashit, gruas e cila dyshohet se u vra nga ish-bashkëshorti i saj Sokol Halili, raporton Gazeta Sinjali.
Ajo ka thënë se Hamide Magashi dhe foshnja e saj e palindur tashmë janë në amshim, por prezenca e tyre do të mbetet gjatë në kujtimin e të gjithëve, duke reflektuar për të mos lejuar kurrë më veprime të tilla.
“Qoftë e fundit kjo viktimë! Qoftë i paharruar kujtimi për të”, ka shkruar Haxhiu.
Postimi i plotë pa ndërhyje:
Të pikëlluar e me zemër të thyer u mblodhëm në varrimin e gruas e cila tragjikisht u vra, një ditë para se të bëhej nënë.
Hamide Magashi dhe foshnja e saj e palindur tashmë janë në amshim, por prezenca e tyre do të mbetet gjatë në kujtimin e të gjithëve, duke reflektuar për të mos lejuar kurrë më veprime të tilla.
Qoftë e fundit kjo viktimë! Qoftë i paharruar kujtimi për të!
