Agjencia e Statistikave të Kosovës ka përditësuar tabelën ku tregon për ngritjet ose uljet eventuale të çmimeve tek disa produkte.
Sipas përditësimit të fundit, nuk raportohet për zbritje të ndonjë çmimi as tek artikujt bazë e as tek ata të tjerë, përveç tek çmimi i derivateve.
Çmimi i një litre benzinë nga 1 euro e 38 centë, kishte rënë në 1 euro e 35 centë, ndërsa ai i naftës nga 1 euro e 53 centë në 1 euro e 48 centë.
Mielli i grurit është rritur për 62 centë brenda katër ditësh. Nga 1 euro e 16 centë sa ishte është rritur në 1 euro e 78 centë.
Ndërkohë edhe çmimi i mishit të bardhë nga 7 euro e 35 centë sa ishte më 7 dhjetor, dje është rritur në 7 euro e 75 centë.
Detergjenti për rroba është një tjetër produkt që ka shënuar rritje, nga 3 euro e 22 centë, në 3 euro e 56 centë.
