Nuk kanë të ndalur skandalet e Kryetarit të Podujevës, Shpejtim Bulliqi, i cili vjen nga radhët e Lëvizjes Vetëvendosje.
Asamblisti i Lidhjes Demokratike të Kosovës në këtë komunë, Ekrem Rrahmani, ka thënë se Komunës së Podujevës nuk i mjaftuan 1.4 milionë euro për rregullimin e rrugës “Skënderbeu”, por iu desh të ndërhyjë në taksat e qytetarëve për plotësimin e shumës së parave për ndërtimin e kësaj rruge.
“FAKTE të keqpërdorimit të parasë pubike
Komunës së Podujevës nuk i mjaftuan rreth 1.4 milion Euro për rrugën Skenderbeu, e pabesueshme deri në çfarë shkalle shkon keqpërdorimi i taksave të qytetarve. Me Fakte po ju dëshmoj që qeverisja lokale nënshkruan kontratë mbi kontratë për të njëjtat punë në kundështim të plotë me ligjin e prokurimit”, ka shkruar asamblisti i LDK-së në Podujevë, Ekrem Rrahmani.
Bazuar në dokumentet e publikuara, Rrahmani tregon sesi qeverisja lokale e Podujevës kishte nënshkruar kontratë mbi kontratë për të njëjtën çështje, gjë që është në kundërshtim të plotë me Ligjin e Prokurimit. /Demokracia.com/
ADVERTISEMENT
