Kryetari i Komunës së Podujevës, Shpejtim Bulliqi, në një seancë të Kuvendit Komunal, ka thënë se për transmetimin e seancave dhe përcjelljen e aktiviteteve të Komunës, ka shpenzuar një shumë të madhe parash ndaj televizionit të kontraktuar ”Tv Llapi”.
”Ne më herët e kemi pasur televizionin lokal këtu, të cilin e kemi kontraktuar dhe kemi shpenzuar ”bajagi” një shumë buxheti”, ka thënë ai në seancën komunale.
Por në të vërtetë, Tv Llapi, si televizion i kontraktuar me Komunën, qëndron në një raport të thellë krahasues me mediat tjera të kontraktuara në komunat e tjera, edhe pse përgjegjësia e punës në shumë media tjera të kontraktuara me komunat tjera të Kosovës ka qenë dukshëm më e thjeshtë, sesa përgjegjësia e Tv Llapit.
Mediat tjera të cilat kanë përgjegjësi vetëm për realizimin e transmetimit të seancave komunale, janë paguar më shumë se televizioni lokal i Podujevës “Tv Llapi”, ku ky i fundit është paguar vetëm 8 mijë e 175 euro, në vit, për transmetimin e drejtpërdrejt, si dhe për përcjelljen e të gjitha aktiviteteve të Komunës, duke përfshirë edhe përpunimin e materialeve.
Mirëpo, as kjo shumë nuk është marrë e plotë. Tv llapi nga Komuna e Podujevës ka marrë vetëm 7 mijë euro.
Ja dallimi mes shumës së paguar për punën e Tv Llapit dhe mediave nëpër komunat e tjera të Kosovës:
Komuna e Ferizajit: Kontratë prej 220 mijë euro, për 24 muaj;
Komuna e Prizrenit: 90 mijë euro, për 36 muaj;
Komuna e Gjilanit: 60 mijë euro per 36 muaj;
Komuna e Gjakovës: 49 mijë e 920 euro, për 24 muaj;
Komuna e Rahovecit: 9 mijë e 920 euro, 24 muaj, vetëm për portal të Kosovapress;
Komuna e Vushtrrisë: 6 mijë euro, për 24 muaj, vetëm për radio.
Kontrata e Tv Llapit me Komunën e Podujevës:
