Kryeministri i Kosovës, Albin Kurti, ka folur për prioritetet që ai ka, e që sipas tij, dialogu me Serbinë nuk është i pari.
I pyetur se Kosova pa rregulluar marrëdhënien me Serbinë, do të mbetet pezull, kreu i qeverisë tha se “kam mjaft për të bërë në shtëpi. Buxheti ynë është 17 për qind më i lartë se një vit më parë dhe kemi pasur mbi 10 për qind rritje gjatë vitit të kaluar. Me fjalë të tjera, ne jemi në një rrugë të mirë, pavarësisht mosnjohjes nga Beogradi. Kur zgjohem në mëngjes dhe mendoj për prioritetet e ditës, Serbia nuk është e para”, u shpreh Kurti për “Tages-Anzeiger”, shkruan Reporteri.net.
Kurti, më tej tha se Beogradi, sipas tij, është nervoz pasi siç tha, qeveria që ai e udhëheq po ec mirë edhe pse nuk ka njohje nga Serbia.
“Me fjalë të tjera, ne jemi në një rrugë të mirë, pavarësisht mosnjohjes nga Beogradi. Kur zgjohem në mëngjes dhe mendoj për prioritetet e ditës, Serbia nuk është e para”, tha ai.
Kurse, për revistën italiane, La Stampa, Kurti Kurti ka kërkuar sërish më shumë trupa të NATO-s në Kosovë, teksa tha se Kosova është obesion i Putinit.
“Vuçiqi, në vitet 1990, kishte si slogan “Serbia e Madhe”, ndërsa tani e ka ndryshuar në “Bota Serbe”, imitim i shprehjes ruse Russkiy Mir. Beogradi është regjimi klientelist më i afërt dhe më i fortë me Kremlinin. Serbia dëshiron sërish Serbinë e Madhe, dëshiron Republikën Srpska në Bosnje dhe Hercegovinë, dëshiron të transformojë Malin e Zi në Ukrainë dhe dëshiron të na e marrë veriun e Kosovës. Kur është fjala për Asociacionin e Komunave nuk bëhet fjalë për të drejtat e serbëve, por për territorializimin e të drejtave. Një mentalitet i ngjashëm me atë të presidentit despotik Putin”, u shpreh Kurti.
