Ish-kryetari i Mitrovicës, Agim Bahtiri, ka thënë në emisionin DPT te Fidani në T7 se pas humbjes në zgjedhjet lokale të vitit të kaluar, i janë ofruar disa punë në ministri të ndryshme, por që nuk i ka pranuar.
Bahtiri thotë se qëndron mirë me kryeministrin Albin Kurti dhe deputetët e VV-së, por që nuk ka dashur të jetë pjesëtar i strukturave dhe vetëm ka dashur të jap kontribut për veriun e Kosovës.
“Qëndroj mirë me të dhe me secilin deputet. I trajtojmë problemet që duhen trajtuar dhe marr pjesë në cdo diskutim për veri. Kam mundur të jem në cdo strukturë por nuk kam dashur të jem. Nuk e kam atë problem. Unë e kam problemin vetëm tek veriu dhe të jem i vendosur që të jap kontributin”, tha ai.
“Po sigurisht. Por po ju them të vërteten se kryesisht merrna me çështjen e veriut. Kam qenë cdo herë i informuar dhe në komunikim për gjithçka që ka ndodhur në veri. Sigurisht që po dhe kam dhënë maksimumin për gjithçka që kam mundur të jap”, shtoi ai.
Bahtiri ka thënë se ka pasur oferta shumë më të mëdha se këshilltari politik, por që nuk i ka pranuar ato.
“Më kanë ofruar të shkoj në ministri të ndryshme por nuk kam dashur”, tha ai.
“Nuk ka qenë çështje e këshilltarit por shumë më shumë. Nuk kam dashur të jem pjesë e qeverisë. Por thashë kam qenë dhe do të jem i gatshëm të jap atë për të cilën jam i përcaktuar për të dhënë për atë pjesë që duhet të jetë në tërësi të Kosovës”, shtoi Bahtiri. /Gazeta Express/
