Aksidentohet një këmbësor në Arllat, ngasësi i veturës ikë nga vendi i ngjarjes

Një aksident trafiku ka ndodhur mbrëmjen e së martës në Arllat, ku të përshirë kanë qenë një veturë dhe një këmbësor.

Lajmin e konfirmoi për Gazetën Online Reporteri.net, zëdhënësja e policisë për rajonin e Prishtinës, Flora Ahmeti.

“Rreth orës 18:40 kemi pranuar informatën se në kryqëzimin e rrugëve “Agim Qela” dhe “Hamëz Jashari”, në Arllat, ka ndodhur një aksident trafiku me lëndime”, tha Ahmeti.

Si pasojë e aksidentit, këmbësori ka përfunduar me lëndime të rënda trupore ndërsa ngasësi i veturës ka ikur nga vendi i ngjarjes.

“Zyrtarët nga njësiti i trafikut janë duke punuar në drejtim të identifikimit të ngasësit të automjetit dhe hetimit e rastit”. /Reporteri.net/.