Sot rreth orës 8:00 policia nga spitali rajonal i Pejës, emergjenca e spitalit është njoftuar se kanë pranuar një person të plagosur nga arma e zjarrit. Burime të “IndeksOnline” kanë thënë se dyshohet që i plagosur është Kushtrim Dobrunaj. Rasti ka ndodhur në fshatin Ramun të Komunës së Pejës, në vendin e punës ku viktima dyshohet se aksidentalisht është plagosur nga shoku i tij.
Për “IndeksOnline”, këtë rast e ka konfirmuar edhe zëdhënësi i policisë për Rajonin e Pejës, Fadil Gashi.
“Sot rreth orës 8:00 policia nga spitali rajonal i Pejës , emergjenca e spitalit është njoftuar se kanë pranuar një person të plagosur nga arma e zjarrit. Menjëherë ju kanë përgjigjur rastit ,viktima është plagosur në këmbën e djathtë personeli mjekësor ka intervenuar dhe është i ndalur në spital për tretman mjekësor. I dyshuari i rastit është vet paraqitur në stacionin policorë dhe e ka sjell dhe dorëzuar armën me të cilën është kryer vepra. Sipas viktimës dhe të dyshuarit të cilët janë shokë në mes vete, plagosja ka ndodh aksidentalisht në vendin e punës ku ata punojnë. Në vendin e ngjarjes është gjet gëzhoja e armës dhe është konfiskuar arma. I dyshuari është intervistuar nga njësiti i hetimeve dhe me urdhër të prokurorit lirohet në procedurë të rregullt“, tha Gashi.
Rasti sipas Gashit, është cilësuar mbajtje në pronësi kontroll, posedim i pa autorizuar i armës dhe dëmtim i letë trupor.
“Kanë deklaruar të dytë që janë shokë dhe e kanë pranuar që rasti ka ndodh aksidentalisht. Viktima është duke marr tretman mjekësor në Spitalin Rajonal në Pejë”, tha Gashi. /IndeksOnline/
