“Pseudozyra e Prokurorit të Specializuar”, reagon Klinaku pas bastisjes në banesën e Behramajt

Sekretari i Organizatës së Veteranëve të Luftës, Faton Klinaku, ka reaguar pasi Specialja ka bastisur banesën e ish-këshilltarit të Thaçit, Adil Behramaj.

Me anë të një postimi në Facebook, Klinaku këtë veprim të Speciales e ka quajtur “skandal”.

Ai madje e quan “pseudozyrë” atë të Prokurorit të Specializuar.

Postimi i plotë:

Pseudozyra e të ashtuquajturit Prokuror i Specializuar, vazhdon me skandale. Është duke bastisur banesën e udhëheqësit të mediumit ‘Demokracia’, dhe ish-këshilltar i Hashim Thaçit, Adil Behramaj.

Skandali edhe më i madh është se edhe pas gati dy vite e gjysmë të ngritjes së aktakuzave, kinse po bëjnë hetime.