Prokuroria Themelore në Pejë ka ngritur aktakuzë kundër 11 personave prej të cilëve janë 10 zyrtarë komunalë të Pejës, Istogut dhe Klinës, të cilët dyshohen për veprën penale ‘Keqpërdorim të detyrës dhe autoritetit zyrtar’, raporton Gazeta Sinjali.
Ndaj këtyre 11 personave rëndojnë 23 vepra penale, 21 prej të cilave janë vepra për keqpërdorim të pozitës zyrtare dhe dy prej tyre për konflikt të interesit.
“Rezultat i hetimit intensiv ka rezultuar me ngritje të aktakuzës kundër 11 personave. Prej tyre, 10 zyrtarë komunalë, katër drejtorë, dy udhëheqës të sektorëve, dy inspektorë të ndërtimit, 1 zyrtar gjeodet dhe një gjeodet i licencuar pranë Agjencionit Kadastral. Mbi këta 11 të pandehur rëndojnë 23 vepra penale. Vepra këto të cilat janë në kapitullin e korrupsionit zyrtar. 21 vepra janë keqpërdorim i pozitës zyrtare ndërsa 2 vepra janë konflikt i interesit”, ka thënë Prokurorja e rastit.
Gati dy vite më para, Njësia e Krimeve Ekonomike dhe Prokuroria në Pejë kishin zhvilluar një aksion në në komunat Pejë, Deçan, Klinë dhe Istog, me qëllim të arrestimit të zyrtarëve të dyshuar për keqpërdorim të pozitës zyrtare, lidhur me ndërtimet pa leje.
Në prangat e Policisë së Kosovës kishin rënë:
Rajan Arapi – drejtori i Urbanizmit në Pejë,
Florije Berisha – zyrtare ligjore në Drejtorinë e Urbanizmit në Pejë,
Ali Gashi – zyrtar në Drejtorinë e Urbanizmit në Klinë,
Ramë Melaj – drejtori i Urbanizmit në Deçan,
Jashar Blakaj – drejtori i Urbanizmit në Istog,
Rexhep Blakaj – shefi i divizionit në Drejtorinë e Urbanizmit në Istog,
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.
