Ka dështuar seanca gjyqësore ndaj kryetarit të Kuvendit, Glauk Konjufca.
Kjo ka ndodhur për shkak të mungesës së dëshmitarëve Adem Grabovci, Ismet Beqiri e Slobodan Petroviq, raporton Betimi për Drejtësi.
Gjyqtarja e rastit Edita Çanta ka lëshuar urdhër që Grabovci e Ismet Beqiri të sillen me detyrim për të dhënë dëshmi.
ADVERTISEMENT
Ajo tha se ndaj Grabovcit dhe Beqirit do të lëshohet urdhëresë për sjellje me detyrim, ndërkaq ndaj Petroviq tha se gjykata do të pret fletëkthesën dhe më pas do të veprojë sipas dispozitave ligjore.
Në mungesë të kushteve ligjore, seanca e sotme është shtyrë ndërsa e radhës u caktua të mbahet më 13 prill 2022.
