Burri i vrarë këtë të shtunë në lagjen “Arbëria” në Prishtinë besohet të jetë rreth 60 vjeç.
Policia më herët bëri të ditur se ai u vra me armë zjarri në një hotel teksa vdekja u konstatua në vendin e ngjarjes nga ekipi mjekësor.
Nga ky incident mbetën të plagosur me thikë mbetën edhe dy persona të tjerë, të cilët sipas dëshimtarëve thuhet se kanë shkuar vetë për tretman mjekësor pas plagëve të marra.
Indeksonline raportoi se në vendin e ngjarjes kishin dalur menjëherë njësitet policore, ato të ndihmës së parë dhe Forenzikës.
“Sot rreth orës 13:20 policia ka marrë informatën për të shtëna me armë zjarri, në lagjen Arbëria të Prishtinës, saktësisht në një hotel. Menjëherë në vendin e ngjarjes kanë dalë njësitet e nevojshme policore dhe ekipi mjekësor.
Bazuar në të dhënat fillestare nga arma e zjarrit lëndime ka pësuar një person, i cili në vendngjarje ka ndërruar jetë, vdekjen e tij e ka konstatuar ekipi mjekësor. Ndërsa dy persona të tjerë të lënduar (dyshohet me mjet të mprehtë) janë dërguar për tretman mjekësor. Aktualisht hetuesit policorë, në koordinim me prokurorin e shtetit janë duke punuar për të ndriçuar dhe sqaruar të gjitha rrethanat që kanë të bëjnë me këtë ngjarje” deklaroi zëdhënësja e policisë, Flora Ahmeti, për Indeksonline.
