Gjykata: ZPS’së do t’i duhen mbi 6 vjet për të paraqitur provat ndaj ish-krerëve të UÇK’së

Gjykatësi në rastin ndaj ish-krerëve të Ushtrisë Çlirimtare të Kosovës ka kërkuar nga Zyra e Prokurorit të Specializuar dhe ekipet e mbrojtjes që të reduktojnë kohën e përcaktuar për paraqitjen e provave dhe pyetjeve të dëshmitarëve, teksa koha për nisjen e gjykimit po afron.

Gjykimi ndaj ish-presidentit të Kosovës, Hashim Thaçi, ish-kreut të Partisë Demokratike të Kosovës, Kadri Veseli, ish-anëtarit të Shtabit të Përgjithshëm të UÇK-së, Rexhep Selimi dhe ish-zëdhënësit të UÇK-së, Jakup Krasniqit, është caktuar për 3 prill. Ata akuzohen nga Dhomat e Specializuar në Hagë për krime lufte dhe krime kundër njerëzimit.

Të akuzuarit po e ndjekin konferencën statusore përmes video-lidhjes.

Sipas gjykatësit, nëse i referohen përllogaritjeve të paraqitura nga Zyra e Prokurorit të Specializuar, atëherë i bie që do të duhen 6.5 vjet që ZPS-ja të paraqesë provat dhe të marrë në pyetje dëshmitarët, dhe kjo sipas gjykatësit “është e tepërt”.

Vetëm për 12 dëshmitarët e parë, nëse ZPS vepron sipas përllogaritjeve të paraqitura, gjykatësi tha se do të duhet deri në janar të vitit të ardhshëm të përfundojnë marrjet në pyetje.

Gjykatësi tha se ZPS ka paraqitur 312 dëshmitarë, që i bie 46 dëshmitarë në vit dhe për ta duhen 6.5 vjet për të përfunduar procedurat.

Zyra e Prokurorit të Specializuar tha se po punon në rishikimin e kohës e paraparë, përfshirë edhe largimin e disa dëshmitarëve.

Mbrojtja e ish-krerëve të UÇK-së tha po ashtu se po koordinohet që nëse dëshmitarët e prokurorisë i referohen vetëm një prej të akuzuarve, ekipet e tjera të mbrojtjes nuk do ta marrin në pyetje.

Ekipi mbrojtës i Thaçit tha po ashtu se vlerësimet kohore të paraqitura për dëshmitarët e mbrojtjes mund të reduktohen, pasi përllogaritjet kohore të paraqitura janë përllogaritjet maksimale.

Post Views: 77

Gjykata: ZPS’së do t’i duhen mbi 6 vjet për të paraqitur provat ndaj ish-krerëve të UÇK’së

Poste të ngjashme

Policia e Kosovës parandalon kontrabandën, kap një kamion me mallra nga Serbia

Refuzimi i Kurtit për t’u paraqitur në Prokurori: Javën tjetër thirrja e fundit, nëse s’i përgjigjet do të kërkohet sjellja me forcë

Bulliqi: Kanë nisur punimet për rinovimin e Teatrit “Avdush Hasani”, një investim prej 220 mijë euro

Besnik Tahiri ftohet nga shteti i Joradnit në cilësinë e ekspertit ndërkombëtar

Psikiatër, ateist, urrente islamin, mendonte të shpëtonte Gjermaninë nga islamizimi – kush është i dyshuari për sulmin në Magdeburg

Lajmi i fundit

Policia e Kosovës parandalon kontrabandën, kap një kamion me mallra nga Serbia

Refuzimi i Kurtit për t’u paraqitur në Prokurori: Javën tjetër thirrja e fundit, nëse s’i përgjigjet do të kërkohet sjellja me forcë

Bulliqi: Kanë nisur punimet për rinovimin e Teatrit “Avdush Hasani”, një investim prej 220 mijë euro

Besnik Tahiri ftohet nga shteti i Joradnit në cilësinë e ekspertit ndërkombëtar

Kërko sipas kategorisë

Ke një lajm?