ADVERTISEMENT
Komiteti për Komunitete i Kuvendit të Komunës së Podujevës ka mbajtur mbledhjen radhës, të cilën e udhëhoqi kryesuesi i Komitetit, Xhafer Ademi.
Në mbedhjen e mbajtur u miratua procesverbali i mbledhjes së Komitetit për Komunitet të mbajtur më 23 shkurt 2023.
Drejtoresha e Shëndetësisë dhe Mirëqenies Sociale Adelina Stublla dha informatë për gjendjen socio-ekonomike, banimit dhe strehimit të Komuniteteve jo shumicë në Komunën e Podujevës.
Dejtoresha Stublla për vitin 2023 potencoi se 4 familje janë ndihmuar me vlerë prej 1400 euro, 31 familje janë ndihmuar me pako ushqimore dhe 2 familje me mjete për ngrohje, dhe 1 me stufë. Kërkesat për veshmbathje janë dorëzuar tek kryqi i kuq, dhe është kryer vaksinimi i 20 fëmijëve dhe 30 nxënësve. Po ashtu është bërë strehimi i një familje që jetonte në kontinjerë.
Në kuadër të informatës rreth rasteve të kthimit dhe ri-integrimit të personave të riatdhesuar në Komunën e Podujevës, përfaqësuesi i zyrës për komunitet dhe kthim në Komunën e Podujevës, Liman Zeqiri tregoi procesin e orientimit të personave që kthehen nga jashtë në mënyrë të lehtësimit të jetesës së tyre.
