Deputeti i LDK-së ka quajtur “mediokër” dhe “rrugaqëri” sjelljen e ministres Albulena Haxhiu ndaj Gjykatës Kushtetuese, pasi kjo e fundit rrëzoi Ligjin për Këshillin Prokurorial të Kosovës.
Sipas Selmanajt, edhe atyre u ka rastisur të mos pajtohen me ndonjë vendim të Kushtetuesës, por që kultura politike nuk i ka lejuar të sulmojnë institucionet e shtetit.
“E kemi borxh ndaj fëmijve tanë ta mbrojmë Republikën tonë nga rrënuesit, kapësit dhe mohuesit e shtetit” ka thënë mes të tjerash Selmanaj.
Ky është reagimi i plotë i tij në Facebook:
Mediokriteti dhe rrugaqëria në aksion kundër institucioneve të pavarura kushtetuese.
E paprecedentë për vendet demokratike, ku një ministre e drejtësisë e sulmon ashpër gardianin e kushtetutshmërisë, Gjykatën Kushtetuese.
Jo rrallë herë, nuk na kanë pëlqyer as neve vendimet e Gjykatës Kushtetuese, por kultura jonë politike, institucionale dhe kujdesi ndaj shtetit, nuk na ka lejuar në asnjë rrethanë që ti sulmojmë ato, apo mos t’i respektojm vendimet e tyre.
Çdo qasje tjetër është qasje kundër shtetit dhe kundër të ardhmes sonë.
E kemi borxh ndaj fëmijve tanë ta mbrojmë Republikën tonë nga rrënuesit, kapësit dhe mohuesit e shtetit.
