Ministri i Mjedisit, Planifikimit Hapësinor dhe Infrastrukturës, Liburn Aliu, ka dhënë detaje mbi projektet e ndërtimit të rrugëve Prishtinë-Pejë dhe Prishtinë-Gjilan në një konferencë për media.
Ministri k ainformuar se projekti Prishtinë-Pejë ka ndryshuar nga ai që ka qenë, pasi sipas tij “ai fillestar ka qenë me devijime të shumta”.
“Do të kemi konferencë për media sërish së shpejti për detajet e këtyre dy projekteve se deri ku kanë avancu dhe për projekte të reja që jemi në zhvillim e sipër gjatë këtyre muajve deri sa të fillojë sezona e ndërtimit, në mënyrë që të kryhen të gjitha procedurat e prokurimit. Për të dyja projektet jemi në procedurë të prokurimit, gjithçka është duke shku në rregull dhe sipas kohës” ka thënë Aliu.
“Krahas projekteve tjera që kanë të bëjnë me kyçjet nëpër korridore, sikur ai i Durrësit, edhe projekti që e lidhë Prishtinën me Bujanoc është projekt i rëndësisë së veçantë.”
“Fatkeqësisht, një pjesë e madhe e mbeturinave deponohen jashtë deponive regjionale. Kjo është gjendja me të cilën jemi duke u marrë seriozisht” ka shtuar Aliu./Demos/
