Drejtoria e Inspeksionit ka vazhduar aksionin e kontrolleve në pompat e derivateve të naftës, benzinës dhe në barnatore bujqësore.
Gjatë aksionit të bërë nga ana e inspektorëve të tregut janë inspektuar 35 pompa të derivateve të naftës dhe benzinës, të cilat janë verifikuar se a janë të regjistruara si biznese, a posedojnë licencën, a posedojnë raportin e bazhdarimit dhe a përputhet çmimi i ekspozuar i derivateve në reklamë me çmimin në aparat dhe arkën fiskale.
Të gjitha nga këto 35 biznese kanë qenë të regjistruara, çmimi i ekspozuar i derivateve në reklamë me çmimin në aparat dhe arkën fiskale ka qenë në përputhje, ndërsa 16 prej tyre, janë në procedurë të vazhdimit të licencës dhe të vazhdimit të raportit të bazhdarimit.
Ndërsa sa i përket kontrollit të barnatoreve bujqësore, DI ka kontrolluar gjithsej 12 barnatore në rrugë të ndryshme të qytetit dhe në fshatra. Gjatë kontrollit janë verifikuar se a janë të regjistuara bizneset, a është i vendosur orari i punës së tyre si dhe çmimorja e produkeve që shërbehen në këto biznese. Nga 12 biznese të kontrolluara të gjitha kanë qenë të regjistruara dhe poashtu të gjitha e kanë të vendosur orarin e punës, kurse 6 prej tyre nuk e kanë pasur të vendosur çmimoren e produkteve që këto biznese shërbejnë.
