Akuzave të djeshme të Prokurorisë speciale, sot kanë filluar t’i përgjigjen avokatët e krerëve të UÇK-së, Hashim Thaçi, Kadri Veseli, Jakup Krasniqi dhe Rexhep Selimi.
Avokat i Hashim Thaçit Gregory Keohe, ka mohuar të gjitha pretendimet e Prokurorisë Speciale në gjykimin ndaj ish-krerëve të Ushtrisë Çlirimtare të Kosovës, raporton Gazeta10.
Avokati i ish Presidentit Thaçi, në seancën e sotme deklaroi se UÇK-ja ishte një grup fillestar vullnetarësh që mbronin atdheun e tyre dhe luftonin për ekzistencën e tyre duke vijuar në 1999 bashkë me KFOR-in dhe UNMIK-un bënë çmilitarizimin e saj.
“I vetmi rrezik ekzistencial ishte regjimi jugosllav, policia jugosllave dhe jo kolaboracionistët siç përmend prokuroria”, tha avokati i Thaçit.
Keohe ka thënë se UÇK-ja s’ka qenë ushtri e rregullt, madje s’ka pasur kontroll nëpër shtabe, sidomos gjatë vitit 1998.
Avokati Keohe ka thënë se Hashim Thaçi, nuk kishte asnjë motiv për të marrë pjesë në krime. Ai tutje tha se Ka Thaçi e ka pasur mbështetjen e SHBA-së dhe të bashkësisë ndërkombëtare e s’ka pasur pse të merrte pjesë në krime sepse do ta humbte atë mbështetje. Te kjo pikë ai ka publikuar fotografi të Thaçit me zyrtarë të lartë amerikanë, përfshirë ish-sekretaren amerikane, Madeleine Albright si dhe ka paraqitur video të BBC-së ku shihej dëbimi i shqiptarëve nga Kosova. /Gazeta10/
