Një pjesëtar i Policisë së Kosovës për pak i ka shpëtuar goditjes nga një veturë në një pikë kontrolli në fshatin Sllatinë të Vitisë.
Burimet e Plus TV, kanë bërë me dije se një shofer që drejtonte veturën pasi që nuk i ndaloi patrullës në pikën e kontrrollit, ka rrezikuar zyrtarin e policisë E. A., duke dashur që ta godas atë me veturën e tij dhe të ikë nga vendi i ngjarjes.
I njëjti që nuk iu bind urdhrave të policisë për tu ndalur, më pas është ndjekur nga policia që kanë arritur ta ndalojnë veturën dhe ta arrestojnë të dyshuarin i cili është shoqëruar në stacion policor për intervistim.
Siç mësohet, ky i fundit është ndaluar për 48-orë ndërkohë me rastin po merren njësitet përkatëse.
Ndërkohë, në raportin 24 orësh të PK-së, thuhet se ngjarja ka ndodhur mbrëmë rreth orës 20:00.
