Batatina: Klubet po e humbin durimin, pezullimi i garave rruga e vetme

Trajneri i Llapit, Tahir Batatina edhe njëherë ka reaguar ashpër për moslicencimin e Federatës së Futbollit të Kosovës, dhe rrjedhimisht edhe pamundësinë që klubet të përfitojnë nga Ligji i Sponsorizimit.

Përmes një postimi në “Facebook”, Batatina ka shprehur zhgënjimin e tij për mislicencimin e kësaj federatae nga ana e Ministrisë së Kulturës, Rinisë dhe Sportit, ndërsa ka shtuar se ndërprerja e garave po mbetet rruga e vetme për klubet.

Ai ka shtuar se MKRS nuk po i respekton pronarët e klubeve dhe donatorët e sportit si dhe ka paralajmëruar edhe protesta masive për të dal nga kjo situatë, transmeton KosovaPress.

“Nëse kjo Ministri nuk i respekton pronarët e klubeve, donatorët dhe sponzorët që sa do pak po mundohen të kontribuojnë për këtë rini por siç po shihet juve nuk është duke iu interesuar rinia dhe as sporti por vetëm ta kaloni mandatin tuaj qeveritar që diçka ndryshe ju keni premtuar rinisë tonë dhe këtij vendi. A është obligim i përbashkët të dalim nga kjo situatë që e keni krijuar pa asnjë arsyetim? E di se po hezitoni të takoheni me klube dhe përfaqësues të tyre sepse nuk keni çfarë të na thoni por ne jemi munduar në çdo formë të bëjmë zgjidhje ju nuk po reflektoni dhe opsioni i fundit hiq i dëshirueshëm por i domosdoshëm për situatën që na keni sjell neve si klube dhe komitetit të futbollit na duhet që ta mendojmë daljen në rrugë me protesta masive sepse nuk tolerohet kjo gjendje më pa asnjë bazë ligjore për të cilën jeni duke na maltretuar”, ka shkruar Batatina në fund.