Një grabitje spektakolare ka ndodhur në një nga argjendaritë më luksoze në qendër të Parisit.
Argjendaria është vënë në shënjestër të grabitësve të cilët kanë vjedhur bizhuteri me vlerë mbi 1 milionë euro.
Bëhet fjalë për një dyqan të Bvlgari, në sheshin Vandom, ku pas mesdite, ditën e djeshme hynë tre grabitës, që kishin mbërritur në vendngjarje me motoçikleta. Dy prej tyre ishin të armatosur dhe lënduan gjatë grabitjes edhe punonjësin e sigurimit.
Pamjet në rrjetet sociale tregonin dy motoçikleta të zeza të ndalura para argjendarisë ndërsa një person i veshur me të zeza dhe me kasketë në kokë, bënte roje. Kalimtarët ndërkohë largoheshin të panikosur pasi shihnin grabitësin e armatosur.
ADVERTISEMENT
