ADVERTISEMENT
Sot gjatë ditës është zhvilluar aksion për pastrimin e hapsirave rreth Liqenit të Batllavës, këtij aksioni i është bashkuar edhe Kryetari i Komunës, Shpejtim Bulliqi bashkë me disa anëtarë të ekzekutivit komunal.
Në këtë aksion kanë marrë pjesë nxënës të shkollave të mesme, mësimdhënës në nivel komune, shoqata e peshkatarëve dhe përfaqësues nga shoqëria civile. Ndërsa, pasdite këtij aksioni i është bashkuar edhe Kompania Regjionale “Pastrimi”.
Kryetari Bulliqi tha se, “Ky aksion do të vazhdojë edhe më 26 maj, ku me numër shumë më të madh të të gjitha institucioneve, nxënësve e qytetarëve do të kujdesemi që e gjithë hapësira përreth liqenit të pastrohet”. Ai apeloi tek të gjithë qytetarët që vizitojnë dhe i shfrytëzojnë për pushim dhe rekreacion hapësirat e Liqenit të Batllavës të përkujdesen për këto hapësira duke e ruajtur ambientin nga ndotja.
