Kurti mbledh ministrat pas zhvillimeve të sotme, e pranishme edhe Rozeta Hajdari

Kryeministri, Albin Kurti raportohet se ka thirrur në takim kabinetin e tij pas zhvillimeve të ditës së sotme.

Siç raporton T7, aty tashmë ka arritur edhe Ministrja Rozeta Hajdari.

Mbledhja vjen bastisjeve me urdhër të Prokurorisë Speciale në Ministrinë e Industrisë, Ndërmarrësisë dhe Tregtisë (MINT), nën dyshimet për keqpërdorime me rezervat shtetërore.

Gjatë operacionit të sotëm janë arrestuar dy zyrtarë të ministrisë dhe një afarist, që është raportuar të jetë i afërt me Kryeministrin Kurti.

Kurti është pyetur nga gazetarët për zhvillimet e sotme, por ka refuzuar të përgjigjet, duke thënë se për këtë deklarohet gjatë ditës.

MINT ka dalë me një komunikatë, ku thotë se mirëpret hetimet e Prokurorisë Speciale dhe se janë të bindur se furnizimi me rezerva shtetërore është bërë sipas ligjit.

Tutje MINT akuzon mediat që raportuam për dyshimet për keqpërdorime me rezervat shtetërore, se kanë bërë “përpjekje për keqinformim”.