ADVERTISEMENT
Kryetari i Komunës, Shpejtim Bulliqi po qëndron për vizitë zyrtare në Kroaci i shoqëruar edhe nga drejtori i Shërbimeve Publike Bahri Selimi, me rastin e kësaj vizite edhe janë konkretizuar negociatat disa mujore për binjakëzim me Komunën e Grubisno Polje të Kroacisë, ku është bërë sot ceremonia e nënshkrimit të binjakëzimit mes dy komunave nga kryetarët Shpejtim Bulliqi dhe Zlatko Maderuh.
“Binjakëzimi i komunave është mundësi e shkëlqyeshme për të ndarë përvoja dhe për të zhvilluar projekte të përbashkëta, me kryetarin Maderuh u dakorduam që si dy partnerë të rinj të aplikojmë në fondet e BE-së për të zhvilluar projekte të rëndësishme zhvillimore në qytetet tona” tha kryetari Bulliqi.
