ADVERTISEMENT
Nënshkruhet memorandum bashkëpunimi me organizatën Islamic Relief Kosova për furnizimin e fermerëve me serra dhe mjete bujqësore
Kryetari i Komunës, Shpejtim Bulliqi i shoqëruar nga drejtori i Zhvillimit Ekonomik, Vigan Salihu ka nënshkruar memorandum bashkëpunimin me drejtorin e organizatës Islamic Relief Kosova(IRW), në vlerë 132.513 euro për përkrahjen e familjeve në bujqësi me serra dhe mekanizëm bujqësor.
Në projektin “Rritja e potencialit për bujqësi në Kosovë”, ku do të jenë përfitues 90 fermerë llapjanë, 36 fermerë do të furnizohen me serra nga 100m2 dhe 54 fermerë me pajisje bujqësore. Organizata do të participojë me 65.62%, ndërsa Komuna e Podujevës me 34.38% të vlerës.
Kryetari Bulliqi e falënderoj drejtorin e Islamic Relief, z. Soliman për bashkëpunimin e vazhdueshëm me komunën, si dhe u zotua se do të jenë gjithmonë të hapur si institucion për bashkëpunim me organizatën, duke synuar që sa më shumë qytetarë të përkrahen në punën e tyre fisnike.
