ADVERTISEMENT
Komiteti për Komunitete i Kuvendit Komunal të Podujevës sot ka mbajtur mbledhjen e radhës të cilin e udhëhoqi kryesuesi i Komitetit, Xhafer Ademi. Gjatë kësaj mbledhje u miratua procesverbali nga mbledhja e Komitetit për Komunitete e mbajtur më 03.11.2023, si dhe u dhanë informata nga Njësiti për të Drejtat e Njeriut.
Në emër të Njësitit për të Drejtat e Njeriut ka folur zyrtari Liman Zeqiri, ai foli për fushatën njëmujore për parandalimin e trafikimit me qenie njerëzore që ka filluar nga 18.10.2023 deri më 18.11.2023, si dhe tregoi që në kuadër të kësaj fushate janë mbajtur 11 takime në shkolla të ndryshme, kryesisht në zona rurale të Podujevës.
Poashtu të pranishmit informatën lidhur me Strategjinë dhe Planin e Veprimit për Mbrojtje nga Dhuna në Familje për periudhën 2023-2026 e dha zyrtari Liman Zeqiri, i cili tha se ky plan është detyrë e mekanizmit lokal, për të cilin është formuar një grup punues që kanë marrë pjesë anëtarë nga Zyra për të Drejtat e Njeriut, Drejtoria e Shëndetësisë dhe Mirëqenies Sociale, Drejtoria e Arsimit, Zyra për Komunitete e Kthim dhe Zyra për Barazi Gjinore në Komunën e Podujeves.
Në pikën të ndryshme, shefi i zyrës për Komunitete dhe Kthim, Liman Zeqiri informoi anëtarët e komitetit për hapjen e konkursit në Policinë e Kosovës dhe FSK, gjithashtu apeloi anëtarët e komunitetit jo-shumicë që te përcjellin këtë mesazh edhe më gjerë tek pjesëtarët e komuniteteve.
06.12.2023, Podujevë
Zyra për Marrëdhënie me Publikun dhe Informim
