Kryetari i Komunës, Shpejtim Bulliqi sot ka zhvilluar takim me Zëvendëskomandantin e Përgjitshëm të KFOR-it në Kosovë, Gjeneral Federico BERNACCA me të cilin ka biseduar për çështje të ndryshme, me theks të veçantë për sigurinë e përgjithshme në Podujevë dhe në nivel vendi.
Gjatë këtij takimi kryetari Bulliqi prezantoi disa nga karakteristikat e Komunës së Podujevës, foli për projektet që janë realizuar e po realizohen, si dhe për sfidat që po ballafaqohemi me fenomenet si papunësia e migrimi i të rinjve.
Kryetari Bulliqi në emër të institucionit e falënderoi Zëvendëskomandantin Bernacca për bashkëpunimin dhe koordinimin e shkëlqyeshëm që ka Komuna me trupat e KFOR-it dhe u dakorduan për vazhdim të këtij bashkëpunimi në interes të të gjithë qytetarëve të Kosovës.
Zvkomandanti Bernacca i uroj punë të mbarë kryetarit Bulliqi dhe shprehu zotimin për bashkëpunim të ngushtë të KFOR-it me institucionet e Kosovës me qëllim të ofrimit të sigurisë për të gjithë qytetarët e vendit.
