ADVERTISEMENT
Kryetari i komunës, Shpejtim Bulliqi i shoqëruar nga drejtori i Shërbimeve Publike, Bahri Selimi dhe drejtori i Urbanizmit, Leutrim Krasniqi kanë zhvilluar takim me kryeshefin e KOST-it,z. Evetar Zeqiri dhe përfaqësues të tjerë të operatorit për transmetimin e energjisë elektrike në Kosovë.
Në këtë takim është diskutuar për çështje të ndryshme duke filluar nga infrastruktura e energjisë elektrike në komunën tonë, nevoja për investime, potencialet e energjisë etj.
U theksua rëndësia e investimeve në energjinë solare për të zvogëluar ndikimin negativ në mjedis dhe për të siguruar burime të qëndrueshme të energjisë. Gjithashtu u diskutua edhe për potencialet e energjisë së erës që ofron komuna e Podujevës.
Në këtë takim të dyja palët vunë theksin për rëndësinë e sigurisë së furnizimit të energjisë dhe nevojën për të zhvilluar infrastrukturën e re për të siguruar furnizimin e qëndrueshëm dhe të sigurt të energjisë në komunën tonë.
Të dyja palët shprehën zotimin për bashkëpunim të ngushtë, me qëllim të realizimit sa më të lehtë dhe të qëndrueshëm të transmetimit të energjisë elektrike.
+
