Bulliqi e Durmishi kanë nënshkruar memorandum bashkëpunimin për financimin e katër projekteve të mëdha infrastukrurore në Podujevë

Kryetari i Komunes se Podujeves Shpejtim Bulliqi sot gjate dites eshte takuar me zëvendësministrin e Infrastrukturës, Hysen Durmishi kane nënshkruar memorandum bashkëpunimin për financimin e katër projekteve të mëdha infrastukrurore në Podujevë;

Postimi i plote

Me zëvendësministrin e Infrastrukturës, Hysen Durmishi kemi nënshkruar memorandum bashkëpunimin për financimin e katër projekteve të mëdha infrastukrurore në Podujevë;

Ndërtimi i nënkalimit te stacioni i trenit dhe ndërtimi i rrugës me infrastrukturë përcjellëse, ku për vitin 2024 janë ndarë 240.000 €, ndërsa për dy vitet pasuese mjetet buxhetore të parashikuara janë 600.000 €

Ndërtimi dhe asfaltimi i rrugës lidhëse Letanc – Llaushë- Dumnicë, Podujevë ku për vitin 2024 janë ndarë 200.000 €, ndërsa për vitin 2025 mjetet buxhetore të parashikuara janë 500.000 €

Ndërtimi, zgjerimi dhe rehabilitimi i rrugës së tranzitit Podujevë –Merdare për vitin 2024 janë ndarë 220.000 €, ndërsa për vitin 2025 mjetet buxhetore të parashikuara janë 600.000€.

Ndërtimi dhe asfaltimi i rrugës Orllan-Kushevicë-Nishec (vazhdim), ku ndarjet buxhetore për vitin 2024 janë 215.000€ , ndërsa për vitin 2025 mjetet buxhetore të parashikuara janë 300.000€

Faleminderit për mbështetjen Qeverisë së Kosovës. Vazhdojmë me punë të mira në shërbim të të gjithë qytetarëve!