Vranësira, me mundësi për reshje të dobëta shiu kohëpaskohe pritet të ketë gjatë kësaj fundjave. Temperaturat do të shkojnë deri në 15C, sipas “Mendimi për motin”.
Nga dita e hënë do të ketë intervale me diell dhe vranësira të ndryshueshme, por se nuk priten mundësi për të reshura. Temperaturat maksimale deri në 15C e 16C.
“Vranësirat mbeten dominante edhe ditën e shtunë mbi vend, që kohë pas kohe shoqërohen me reshje të dobëta shiu, kryesisht nga perëndimi i vendit, por deri në mbrëmje mund të shtrihen edhe në pjesë tjera. Frynë erë e lehtë dhe mesatare jugore 5-9m/s, nga Dukagjini edhe jugperëndimore me hove mbi 15m/s. Temperaturat minimale zbresin në 5C e 7C, e ato maksimale shkojnë deri në 13C e 15C.
Me vranësira parashihet moti edhe ditën diel, me mundësi për riga lokale shiu. Nga dita e hënë do të ketë intervale me diell dhe vranësira të ndryshueshme, por se nuk priten mundësi për të reshura. Temperaturat maksimale deri në 15C e 16C”, thuhet në njoftim.
