Shefja e Grupit Parlamentar të Vetëvendosjes, Mimoza Kusari-Lila, mbrëmë ka qenë e ftuar në emisionin “ZEN” me Artan Behramin në T7.
Kur u pyet për mbajtjen e zgjedhjeve të reja në Kosovë, aj tha se nuk kanë pasur diskutim përmbajtesor për proces zgjedhor.
“Të gjithë kemi qenë të bindur se mandati është i plotë. Ne i kemi lënë tri vjet, në mars bëhen tri vite të legjislaturës që jemi betuar, por nuk mundesh me thanë që nuk je hy në vitin e katërt dhe në vitin e fundit edhe si legjislaturë edhe si ekzekutiv. Tash sipas rrethanave që parashikohen edhe prej diçka tjetër jashtë politikës, dmth me dinamikën e jetës në Kosovë, mundet me qenë ose fundi i verës këtë vit ose mund të shkojë deri në fund, që mundet me ardhë shkurti i vitit të ardhshëm. Mundet po them se nuk ka indikacione, por ajo bëhet nëse ka konsensus”, tha Kusari- Lila.
Kusari tha se nuk beson “që s’ka me pas situatë të jashtëzakonshme që ka me çu vendin në zgjedhje”.
Ajo tha se zgjedhjet e ardhshme do të jenë prapë befasuese njëjtë siç ka qenë 2021’ta.
“Për faktin se në procesin nëpër të cilin është Kosova aktualisht, është njëfarë përmbyllje se çka u nis ma herë në kuptimin e funksionalizimit”, shtoi ajo.
Ajo foli edhe për mënyrën se si po bëjnë opozitë partitë që janë në opozitë.
“Mënyra e opozitës nga Vetëvendosje ka qenë për kauzat të cilave ata u kanë qëndru besnikë, këtyne u luajnë, sa ia nisin për një çështje, harrohet, vjen një tjetër, harrohet ajo, hajt po mundohen me i kriju do skandale. Pesë kërkesa për komisione hetimore janë, seriozisht po e bëj pyetjen a jeni tu dashtë mu bo hetuesë a deputetë vlla. Na kemi komision hetimor për çështje që është në prokurori. Vetëvendosja ka nisë komisione hetimore për me i çu rastet në prokurori, për me ia ngrit vëmendjen organeve të rendit se diçka nuk është në rregull. Ata kanë nis komisione hetimore masi ka arrestu prokuroria”, tha Kusari në “ZEN”.
- “Tregom ti, kur del në zgjedhje çka don me iu thon qytetarëve ‘votomni se unë kam me ju hetu tanve’ a?”, tha ajo. /GazetaExpress/
