Sot gjatë ditës Kryetari i Komunës, Shpejtim Bulliqi i shoqëruar edhe nga drejtorë komunal kanë vizituar Stacionin Policor në Podujevë për të zhvilluar takim me Komandantin e ri të Stacionit, Bashkim Bajrami për t’i uruar detyrën e re dhe ofruar mbështetje në realizimin e detyrave të tij.
ADVERTISEMENT
Gjatë kësaj vizite kryetari Bulliqi foli për disa nga sfidat me të cilat ballafaqohen qytetarët në përditshmëri, si dhe foli për nevojën për të intensifikuar bashkëpunimin edhe më shumë me policinë, pasi që ky bashkëpunim shkon në interes të qytetarëve të Komunës, duke vendosur rend në komunikacion dhe ofruar siguri për qytetarët.
Të dyja palët u zotuan për bashkëpunim të ngushtë e të mirëfilltë në dobi të sigurisë dhe rendit publik.
15.03.2024, Podujevë
Zyra për Marrëdhënie me Publikun dhe Informim
