Kombëtarja e Kosovës u19 ka nisur mrekullisht kampanjën ‘Elite Round’ për kualifikimin në Kampionatin Evropian, pasi ka triumfuar ndaj Austrisë me rezultatin minimal 1:0.
Kjo fitore e dërgon Kosovën U19 në vendin e parë në grup me 3 pikë, duke lënë pas Spanjën e Slloveninë (1 pikë) dhe Austrinë me asnjë pikë, shkruan GazetaBlic Sport.
Mediumi austriak, ‘Laola1.at’ e konsideron si të hidhur humbjen nga Kosova sot në këtë start të kualifikimeve.
“Futbollistët e Austrisë U19 pësuan një humbje të rëndë që herët në kualifikimet për Kampionatin Evropian 2024. Në ndeshjen e parë të raundit elitar, skuadra e Oliver Lederer humbi 0-1 nga Kosova në Gornja Radgona të Sllovenisë”, shkruhet në artikullin e mediumit austriak.
Kujtojmë se Kosova U19 do të ballafaqohet në ditët në vijim edhe me Spanjën dhe Slloveninë, ku edhe do ta mësojë fatin se a do të kualifikohet në Kampionatin Evropian./Gazeta Blic
