Pas lëshimit të urdhërarrestit nga Prokuroria, kjo e fundit, siç merr vesh Insajderi, e ka dërguar gruan e Gjakovës në strehimoren për viktimat e dhunës në familje.
Prokuroria Themelore në Pejë ka kërkuar arrestimin e xhudistit Akil Gjakova, i cili është i dyshuar për dhunë ndaj bashkëshortes së tij.
Një gjë të tillë e ka bërë të ditur zëdhënësi i Prokurorisë Themelore të Pejës, Shkodran Nikçi. Ai ka thënë se Prokuroria ka autorizuar Policinë e Kosovës për arrestimin e xhudistit pejan.
“Prokurori i shetit ka pranuar nje procesverbal te nje kontesit civil nga gjyqtari dhe eshte njoftuar nga avokatja e pales se demtuar se ka elemet te veper penale te dhunes ne familje. Menjehere eshte autorizuar Policia e Kosoves nga Prokurori i shtetit per arrestimin e te dyshuarit dhe marrjen e masave ligjore ndaj tij”, ka thënë për Insajderin Shkodran Nikçi, zëdhënësi i Prokurorisë.
Xhudisti Akil Gjakova dyshohet për dhunë ndaj bashkëshortes së tij. Ai aktualisht është edhe në prag të divorcit. Sot në mëngjes, siç ka raportuar Insajderi, gruaja e xhudistit së bashku me fëmiun e tyre kanë tentuar të hyjnë në banesë ku edhe banojnë, por ka qenë Akil Gjakova që i ka ndaluar të hynë.
Akil Gjakova ka refuzuar të prononcohet pasi gjatë tërë ditës mediumi ka tentuar ta telefonojë për të marrë një version nga ana e tij
