Një përplasje në rrjete sociale mes ministrit të Pushtetit Lokal, Elbert Krasniqit dhe deputetes së LDK-së, Hykmete Bajramit ka ndodhur për Grantin e Performancës Komunale.
Krejt kjo nisi kur përmes një statusi në Facebook, ministri Krasniqi tha se Ligjin për Performancën Komunale dhe Grantin e Përformancës Komunale e ka votuar Qeveria Kurti.
Ai thotë se në Qeverinë që ishte deputetja Hykemete Bajrami, kanë përfituar më shumë kompanitë e Milan Radoiçiqit.
“Për më tepër, për hir të informimit të qytetarëve, është Qeveria Kurti ajo që më datë 28 korrik 2021 e ka votuar koncept dokumentin për Ligjin për Performancën Komunale dhe Gratin e Përformancës Komunale. Ligjin e kemi votuar në mbledhje të qeverisë me 10 dhjetor 2021, dhe pastaj i njëjti është votuar përfundimisht me 21 korrik 2022.
Ne kemi ngritur fondet nga 2 milionë në 8 milionë. Kjo ka ardhë pas mbështetjes së qeverisë e cila e ka institucionalizuar me ligj grantin e performances komunale. Për dallim me udhëheqjen nga ministrat e qeverisë tuaj, ka më shumë fonde për komunat e asnjë fond për RAD dhe kompanitë e udhëhequra nga Radoiçiq të cilat kanë përfituar nga qeverisja juaj në MAPL, vetëm në vitin 2015 kur Isa Mustafa ishte kryeministër, përfitoj mbi gjysmë milionë euro.
Deputeti Hoti, nuk janë kontrata njëburimore në MAPL. Këtu janë subvencione për mbështetjen e qytetarëve dhe familjeve në nevojë dhe për subvencione nuk ka proces të prokurimit. Besoj ju e dini si funksionojnë këto procedura, nëse jo atëherë shihni foton. (foto 2)
Mbase po ju pengon mbështetja për komunitetet e margjinalizuara. E si duket edhe gjuha ju tradhëtoi, sepse shtëpitë për komunitetet e margjinalizuara i shihni vetëm njëkatëshe dhe dy-tri dhomshe”, ka shkruar ai në postim.
