Homazhe dhe nderime për luftëtarin e lirisë, heroin Ilir Konushefci
Sot u mbushën 27 vjet nga vrasja e njërit prej themeluesve të UÇK-së në Llap, Ilir Konushefcit – Mërgimit. Iliri ishte drejtuesi kryesor i grupit për furnizim me municion për luftëtarët e UÇK-së, me dhjetëra herë ai kishte kaluar kufirin duke bartur armatim për shokët e luftës që ishin në vija të frontit, më 9 maj 1998 Ilir Konushevci bashkë me doktor Hazir Malën u vranë në një pritë të organizuar në fshatin Poravë.
Me kryeministrin Kurti, ministra, deputetë dhe familjarë të Ilir Konushefcit bëmë homazhe para varrit të tij në nderim të jetës së tij, kontributit për luftën çlirimtare dhe sakrificës për lirinë e Kosovës!
Lavdi jetës dhe veprës së dëshmorit Ilir Konushevci!
Lavdi e përjetshme për të gjithë dëshmorët e kombit!
