Në Qendrën Kryesore të Mjekësisë Familjare (QKMF) në Podujevë, mamografia ofrohet çdo ditë pune nga ora 08:00 deri në 13:00 dhe është falas gjatë gjithë vitit, falë vendimit të asamblesë komunale. Mamografitë realizohen dhe analizohen nga specialisti i radiologjisë në QKMF, duke ofruar një shërbim të cilësuar për gratë.
Mesatarisht, në QKMF kryhen 10 mamografi në ditë. Deri tani, nuk ka qenë e nevojshme caktimi i termineve për këtë shërbim, por me rritjen e ndërgjegjësimit në muajin e ndërgjegjësimit kundër kancerit të gjirit, fluksi i pacientëve është shtuar. Përkundër kësaj, pritja për një termin shkon vetëm në 3-4 ditë.
Kryetari Bulliqi dhe Komuna e Podujevës ftojnë të gjitha gratë të ndajnë pak kohë për shëndetin e tyre dhe të kryejnë mamografinë në kohë. “Kontrollohuni, bëni mamografinë dhe parandaloni të keqen,” është mesazhi që përcillet me rëndësi të veçantë në këtë muaj të ndërgjegjësimit për kancerin e gjirit.