ADVERTISEMENT
“Radoiçiq ka shku, nuk është ksajde”, Armend Muja e dëgjon përgjimin e Kusarit: Po publikohet materiali i njejtë, biseda me Slavkon është pre
Deputeti i Lëvizjes Vetëvendosje, Armend Muja, i doli në mbrojtje shefes së Grupit Parlamentar të VV-së, Mimoza-Kusari Lila, që i dolën edhe sot audio-incizimet me Milan Radoiçiq, për të cilat deputeti Muja u shpreh se “znj.Kusari është sqaruar se këtu ka pas montazhë”.
Sipas tij, materiali i publikuar sot është i njëjtë dhe është ripërpunuar.
“Pak a shumë është i njëjti material i cili po ripërpunohet vazhdimisht kohë pas kohe, për mendimin tim nuk kishte gjë të re aty përpos ajo që e kemi dëgjuar vitin e kaluar. Znj.Kusari i dha sqarimet e saj, ishte data që koincidojë shumë me gjykimet që patën paramilitarët e Radoiçiqit para gjykatave të Kosovës sepse këta janë përgjegjës për vrasjen e policit të Kosovës, plagosjen e disa policëve të Kosovës, sfidat që ja kanë bo integritetit territorial të Kosovës në Banjskë…”, tha deputeti Muja në Pressing, transmeton Express.
“Radoiçiqi ka shku nuk është kësajde…”, u shpreh Muja teksa po komentonte mbi audio-incizimet e Kusari-Lilës me Radoiçiq.
“Kjo çka publikohet është materiali i njëjtë, znj.Kusari është e bindur që ka montazhë, biseda që është bërë me Slavkon është pre”, tha Muja pasi dëgjoi audio-inzimet në Pressing.
