Autoriteti Rregullativ i Komunikimeve Elektronike dhe Postare në Kosovë (ARKEP) e ka autorizuar të premten kompaninë amerikane Starlink, për ofrimin e qasjes në internet “në çdo lokacion të territoririt të Republikës së Kosovës”.
ARKEP e konsideroi këtë “hap të rëndësishëm për avansimin e infrastrukturës digjitale në vend”.
“Në të gjithë globin, Starlink u ka mundësuar komuniteteve në nevojë të kenë qasje në arsim, shërbime shëndetësore, të mundësojnë punën në distancë dhe të ofrojnë mbështetje kritike të komunikimit gjatë fatkeqësive natyrore ose raste tjera të emergjencave kombëtare”, thuhet në njoftimin e ARKEP-it.
Futja e Starlink në tregun vendor, ARKEP thotë se “do të sjellë përfitime për ekonominë dhe zhvillimin e përgjithshëm të Kosovës, duke krijuar mundësi të reja për inovacion”.
Ai në vitin 2022 vendosi që t’i ofronte qasje Ukrainës në këtë rrjet, pasi Rusia nisi luftën atje dhe shteti kishte mbetur pa linja komunikimi.
