Kryeshefi i OJQ-së “Demokracia Fillon Këtu” permes një postimi ne rrjetin social facebook është shprehur se Kosovës i duhet një Kryeministër qe normalizon skenen Politike.
Postimi i tij i plotë:
Kosovës i duhet një kryeministër që normalizon skenën politike!
Sot, ndërsa shqiptarët me të drejtë i kushtojnë vëmendjen zgjedhjeve në SHBA, një fokus po aq i rëndësishëm duhet t’u kushtohet zgjedhjeve për kryeministër të Kosovës më 9 shkurt.
Kosovës i nevojitet një udhëheqës që përqafon zhvillimin ekonomik dhe mban një diskurs publik të shëndetshëm, larg ndarjeve dhe propagandës.
Kryeministri i ardhshëm duhet të jetë një figurë e përkushtuar ndaj familjes dhe vendit, që ndërton marrëdhënie të qëndrueshme me miqtë ndërkombëtarë që kanë mbështetur Kosovën, mbron vlerat kombëtare dhe i respekton institucionet pavarësisht pozitës.
Në prag të zgjedhjeve, qytetarët e Kosovës duhet të zgjedhin një udhëheqës të përkushtuar ndaj vendit, të ndershëm, dhe pa interesa të fshehura apo lidhje të tjera, që nuk e sheh atdheun si të përkohshëm e si të zëvendësueshëm.
